Quando il cibo diventa poesia

Cari gastronauti..... oggi condivido con voi qualcosa di particolare: profumato e saporito come una pietanza...ma privo di calorie! ahahhaha Si tratta di alcuni versi di poesie scritte in dialetto napoletano ispirate al mondo culinario. Leggendole si respira quasi il profumo antico delle cucine delle nostre nonne! A mio parere sono testimoni del patrimonio culinario italiano. Mi auguro vi piacciano.

'A RIGGINA 'E NAPULE

('a pummarola)

Ce ne stanno riggine ncopp' 'a terra,
ca fanno bene a chesta umanità
ca so' carnale e ca nun fanno 'a guerra,
ma 'a riggina cchiù ricca è chesta ccà!

Quanno 'o sole addeventa na furnace,
essa spanne 'int''e ccase addore e gusto,
cchiù zucosa addeventa e cchiù te piace
quanno nfoca 'a cuntrora 'o mese austo.

A Napule che regna? 'A pummarola!
Aggarba 'o maccarone e 'a mulignana,
chesta riggina 've fa cunzulà.

Quanno 'a spremmite dint' 'a cassarola
o pappea p''o rraù dint''a tiana,
pure a nu muorto fa risuscità.

Alfredo De Lucia

'O 'rraù

'O rraù ca me piace a me
m' 'o ffaceva sulo mammà.
A che m'aggio spusato a te,
ne parlammo pè ne parlà.
io nun songo difficultuso;
ma luvàmmel' 'a miezo st'uso

Sì,va buono:cumme vuò tu.
Mò ce avéssem' appiccecà?
Tu che dice?Chest' 'è rraù?
E io m' 'o mmagno pè m' 'o mangià...
M' ' a faja dicere na parola?...
Chesta è carne c' ' a pummarola

Eduardo De Filippo

'A PIZZA

Pizzaiuo', mi 'he a fa 'na pizza
muzzarella e pummarola....
Ma ll'he a fà cu 'e mmane, 'o core
e.. 'a fronna 'e vasenicola.
Falla bbona!

Mana grassa a muzzarella,
miette ll'uoglio, miette 'o ssale...
Falla fà chiù arruscatella:
quanno è cotta nun fà male.....
Cotta bbona!

E vullente, 'a dint' 'o furno,
nun l'he a' mettere 'int' o piatto
ca si no perde 'o sapore.....
Io m' 'a piglio e a chiejo a libretto...
Quant'è bbona!

E cu famma e devuzzione
magno primma 'o curnicione...
'O profumo è sapurito!
Mentre magno sto abbuccato
p' 'o vestito.

Comme coce! E quant'è bella!
Comme fila 'a muzzarella!
Muorzo a muorzo 'haggio magnato....
Pizzaiuò he a campà cient'anne!
Pizzaiuò me so sfizziato!!!!!...

Lello Lupoli